منتدى العاب بنات بووسي
اهلا بك زائرنا الكريم يسعدنا ويشرفنا دخولك للمنتدى ونتمنى منك التسجيل ونعدك انك سوف تجد في هذا المنتدى اكثر متعه وملحوظه المنتدى خاص بالبنات لا تسمح ادارة المنتدى بدخول اي ذكر المنتدى وسيت وقفه على الفور فتقدمي بالتسجيل وانتي متطمئنه على انك ستجدين كل ما تريدينه هنا :العاب ,اغاني,......

وفي النهايه اتمنى لكي استفاده جيده واعجاب ووقت ممتع بالمنتدى.

مجله شعريه ((شهريه))فى عددها ((6))

استعرض الموضوع السابق استعرض الموضوع التالي اذهب الى الأسفل

قصيده رد: مجله شعريه ((شهريه))فى عددها ((6))

مُساهمة من طرف ميميى لولو في الخميس 16 يونيو 2011, 7:04 pm

ما فى رد غير رد بووسى
فين باقى الردود

____________________________________________________________________________________________________
[size=18][color=red]الاصدقائى كنز لا يفنى فا يجب أن تحافظ على أصدقائك الى[/color] [color=red]الابد[/color] [/size]
avatar
ميميى لولو
عضو نشيط
عضو نشيط

تاريخ التسجيل : 12/06/2011

الرجوع الى أعلى الصفحة اذهب الى الأسفل

قصيده رد: مجله شعريه ((شهريه))فى عددها ((6))

مُساهمة من طرف ميميى لولو في الأربعاء 15 يونيو 2011, 3:44 pm

وين هى الردو

____________________________________________________________________________________________________
[size=18][color=red]الاصدقائى كنز لا يفنى فا يجب أن تحافظ على أصدقائك الى[/color] [color=red]الابد[/color] [/size]
avatar
ميميى لولو
عضو نشيط
عضو نشيط

تاريخ التسجيل : 12/06/2011

الرجوع الى أعلى الصفحة اذهب الى الأسفل

قصيده رد: مجله شعريه ((شهريه))فى عددها ((6))

مُساهمة من طرف ميميى لولو في الأحد 12 يونيو 2011, 11:26 pm

مرسى يا قمر

____________________________________________________________________________________________________
[size=18][color=red]الاصدقائى كنز لا يفنى فا يجب أن تحافظ على أصدقائك الى[/color] [color=red]الابد[/color] [/size]
avatar
ميميى لولو
عضو نشيط
عضو نشيط

تاريخ التسجيل : 12/06/2011

الرجوع الى أعلى الصفحة اذهب الى الأسفل

قصيده رد: مجله شعريه ((شهريه))فى عددها ((6))

مُساهمة من طرف بووسي في الأحد 12 يونيو 2011, 10:08 pm

مشكوره يا قمر كتير الموضوع كانت حلو
نورتي المنتدى

____________________________________________________________________________________________________
ارجو لكل بنوتات العاب بووسي ان يقضوا اسعد الاوقات وان يسعد الله مسائهم وصباحهم وان يجعل حياتهم كلها ضحك ولعب وجد وحب ومذاكره وفرح ومرح وتفكير ونت ومنتديات وصداقه و
اتمنى لهم الاستمتاع بمنتدى العاب بنات بووسي ومع كل هذا فلهم شكري وحبي وجهدي وروحي وصداقتي وصيبتي ولا اتمنى ان تكون حياتهم حزن دائم واتمنى ا تكون فرح مستمر وان يسعدون من منتدى العاب بنات بووسي فهذا الاسم جمعنا جميعا واطلق على كل عضواتهنا فهذا الاسم يشمل جميع البنوتات القمورات الصادقات المهذبات الصالحات وكذالك المؤمنات والمسيهات وغيرهن جميعا فادارة منتدى العاب بنات بووسي ترحب بجميع اعضاؤها وتبلغهم باتها تحتفل معم في جميع الاحتفالات وتشمل افراح اعياد مواسم مولد [ندعوك للتسجيل في المنتدى أو التعريف بنفسك لمعاينة هذه الصورة]
وانها تتمنى لكم الساعاده الدائمه اسعد الله عليكنم كل شي واتمنى لكم نجاح باهر



[ندعوك للتسجيل في المنتدى أو التعريف بنفسك لمعاينة هذه الصورة]
avatar
بووسي
Admin
Admin

تاريخ التسجيل : 27/01/2010

الرجوع الى أعلى الصفحة اذهب الى الأسفل

قصيده مجله شعريه ((شهريه))فى عددها ((6))

مُساهمة من طرف ميميى لولو في الأحد 12 يونيو 2011, 10:03 pm



(( مجله شعرية ))



وفي عددها (( 6 )) :


بتاريخ 4-4-1430هـ



31-3-2009م



شاعرنا لهذا الشهر .. شاعر من جيل العمالقة


يسرقك بصمته ويسرقك بكلامه


وصفه للإبداع بلا حدود



أسمه يذكرني بالبدر إذا أكتمل


يقول في إحدى مقالاته :



عندما يحدثني أصدقائي 00 عن قصص العشق 00 أشعر بأني سأذج 00
ليس هناك قمر 00 أو شباك 00 أو شجرة لوز00
ولا حتى شعر 00 فيما يروونه لي من قصص!
وأنا لا أتحدث كثيرا 00 عما في قلبي 00
ولا أجيد الكذب00
ولا أزال أنظر إلى السماء بالعين المجردة00
وأعتقد أن الزهور كانت موجودة قبل الحدائق00
وأن الوصال00 يكتمل أحيانا بالنظر00
وأن لحروف الحب رائحة النعناع00
وطعم الرطب الناضج
أشعر أني ساذج 00 لأنني لا أراك بما يكفي 00
وأحيانا00 لا أراك بما لا يكفي00



يقول في إحدى روائع شاعرنا :



لاتسرق الوقت من غيرى
انا مابى زمن غيرى
لاتسرق العمر ياطيرى
مدام قلبك لحد غيرى
عطنى من ايامك من نهار
وباقى العمر للى تبى


مابه فرح يامعذبنى وانت لحد غيرى
ناظر وعدنا طال للى درا ومن شاف


ياقلبك الخواف
ياصاحبى الخوف
مايطمن الخوف
لاتلمس الجوف
وانت ايدينك بارده
والفرقاه دايم وارده


انت وانا فى نفس الطريق
بس الخطا متباعده
لاتسرق الوقت
يا أجمل الوقت


تكذب على واكذب عليك
والقى الدفا برعشه ايديك
نقضى العمر
كل العمر
نحلم بلحظه شارده




من إحدى قصائدهـ التي لم تكتمل بعد :


كنا ما بين الحكي .. والسكوت ..
اظهر اشواك الخصام من قلبي واشفاهي
ناظرتني بطرفها الساهي وقالت :
لو تفارقني اموت ..
وافترقنا .. لا لقا .. لا رسايل .. ولا صوت ..
وكنت أسال دايم أسأل
يا ترى وش صار فيها !؟

قالوا ( تزقح ) ماعليها .. صارت أجمل ..
ابتسمت وقلت هذا اللي ابي ..
بس ..
كيف أنا صدقت يوم قالت بموت

الصحيح .. إني غبي





أنه الشاعر



أنه البدر




بدر بن عبد المحسن بن عبد العزيز من مواليد مدينة الرياض في 2 ابريل عام 1949، و هو الإبن الثاني لصاحب السمو الملكي الأمير عبد المحسن بن عبد العزيز - رحمه الله -




درس مراحله الإبتدائية بين المملكة العربية السعودية و مصر، والمتوسطة في مدرسة الملكة فكتوريا في الاسكندرية، ودرس المرحلة الثانوية في المملكة العربية السعودية .. كما انه درس في بريطانيا ( لندن ) و في الولايات المتحدة الأمريكية.




و لقد استفاد من وجوده في بعض هذه البلدان بلقاءاته مع العديد من الرواد والأدباء و المفكرين و عمالقة الفن من أمثال الشاعرأحمد رامي و محمد عبد الوهاب و محمد الموجي وعبد الحليم حافظ و كثيرين غيرهم.





غنى له العديد من المطربين، على المستوى المحلي و على المستوى العربي و أبرز من غنى له الفنان طلال مداح، محمد عبده، عبادي الجوهر،عبدالمجيد عبدالله ، عبد الكريم عبد القادر، نجاة الصغيرة، خالد الشيخ، عبد الرب ادريس، عبدالله الرويشد و العديد من الفنانين الاخرين



و لقد أحدثت قصائد سموه تحولا في الأغنية السعودية و الخليجية بشكل عام ، حيث نهج سموه أسلوبا جديدا لم يكن معروفا من قبل في الكتابة.و أصبح مدرسة ينهل من معينها العديد من الشعراء الشباب في الوقت الحاضر.




و لسموه اهتماما بالرسم كهواية الى جانب الشعر حيث بدأ الرسم منذ نعومة اظافره و لسموه العديد من اللوحات الجميلة
و المعبرة،




يقول عن رسمه :


انا اميل الى في رسمي اسلوب اسمه الفانتازيا ورائد هذه المدرسة هو (شاقال) وهي قريبةالى السريالية ولكنها تختلف عنها




كما ان لسموه اهتماما بالقنص و صيد الحبارى و أهتمامات عديدة في الكمبيوتر فيما يخص الرسم و التصميم و كذلك الإنترنت.





من قصائدشاعرنا الجميلة






آه. .يا لجراح


لا جيت أنا بــ سامحك..
تبكي الجراح ما ودها..
مشتاق ودي أصافحك..
عيت يدي لا مدها...
آه. .يا لجراح .. راح اللي راح ..
وراحتي .. من يا ترى بيردها ..
يا حب.. ياذ كرى واسم..
مدري انا ابكي عليك من العذاب اوابتسم..
صدقني في يأسي .. نفسي تبي نفسي تبيك ..
لا يا دفا شمسي تبيك..
ليه خنتني ..الله عليك ..

آه يا الجراح .. راح اللي راح..
وراحتي .. من يا ترى بيردها ..


لو تحاكي عيوني .. يمطر سحاب الملح ..
ولا تلمس أشجوني .. ينبت في قلبي جرح ..
ناظرني يا خلي .. جرح انا كلي ..
وشلون أبـ ارضى الصلح ..

فصل الخريف حبي ..حزن وورق أصفر..
...ودعني يا قلبي..وخل العذاب أقصر..


آه يا الجراح .. راح اللي راح..
وراحتي .. من يا ترى بيردها ..









تعبت أسافر



تعبت أسافر في عروقي ومليت
من جلدي اللي لو عصيته غصبني



ياما تجاوزت الجسد واستقليت
عن الألم .. لاشك جرحي غلبني



أنا سجين الحال .. مهما تسليت
وانا الطليق وكل شيٍٍ قضبني



حريتي لاعل .. يا كود ياليت
اما شفت حيٍٍ جاد لي ماسلبني



وليت يا ليل التباريح وليت
اما محاني الحزن والاكتبني



كل السما في دفتري وان تجليت
مثل الشموس .. غبار قبري حجبني



لي صاحب وان ما تخلى تخليت
لا بد ما نهدم .. ولا بد نبني




أرقام ..



في آخر الصفحه .. يسار ..
خبر صغير .. حادث قطار .. مات أربعة ..
مكتوب في السطر الأخير ..
باقي التفاصيل .. في الصفحة العشرين ..
على الثرى .. وبين الورق ..
أجسادهم امقطعة ..
الأربعة .. لجل المساحة ماتشيل ..
وفي باقي الصفحة صور ..
فنان .. وحصان .. و كور ..
وابحث عن الخبر الحزين ..
في نهاية الصفحه يمين ..
حادث قطار ..
ماتوا ثلاثة وطفل ..
وباختصار .. شديد .. شديد ..
كان القطار .. هو الوحيد ..
اللي بأسم ..
بلا ملا مح .. أو أسامي ..
ليه كلنا نموت ..
ليه نهمل الجثه ..
ونتذكر التابوت ..
لأقدامنا صوت ..
من يسمعه ..
من يسمع الأقدام..
هم مروا من تحت الكلام..
الأربعة ..
وصاروا أرقام .. أرقام ..

أنا رقم .. اصقه ضرير ..
المشكلة .. مثلي كثير..
يجمعنا حب الهاويه ..
احلامنا .. انا نصير..
وقاماتنا متساويه..
نركض على ورق الحياه ..
لين ننمحي ..
المشكله مانستحي ..
إنا نمرّ ..
ماشافنا انسان ..
ولا سمعنا انسان ..
اكتبني يالنسيان ..
انا رقم ..



أول الناس ..


اول الناس انتي .. وكلهم ..

وآخر اللي عيوني .. تملهم ..

لو تحبيني .. هذا يكفيني ..

اسكني عيني .. ونامي ..

انتي يانوري .. وظلامي ..

ياقمرهم .. كلهم ..


أعدل الناس .. وازينهم خجل ..

واغلى من الناس .. في وقت الزعل ..

واجمل اللي حصل لي .. وماحصل ..

لو تحبيني .. هذا يكفيني ..



الشمس اللي تغيب



أركض ورا الشمس .. اللي تغيب ..
ابي النهار .. وينتحي ..
أخاف أنا وجهي الى طاح الظلام ..
فوق الملامح .. ينمحي ..
كافي سواد العين والظل الحزين ..
وشمسٍ تبين .. وماتبين ..
ورا السحاب ..

كافي بَعْض ليلٍ يجي .. قبل الغياب ..
عن ليل الغياب
يا موقد الشمعة ..
وجهي أنا .. أو نور ذا الشمعة ..
قاسي الشحوب ..
في رعشة الضي العليل ..
وتكبر مسافات الهروب ..

يا صاحبي الشمعة غروب ..
به قريةٍ .. تحت الظلام .. مريتها ماجيتها
وبنيةٍ .. تحت الظلام ..
ورسالةٍ في الليل ..
خانتها الحروف .. من القهر شقيتها ..
كلي عيون .. وماتشوف
والناس .. ياظل .. وطيوف ..
والظلما .. نسيان .. الحبيب .. لحبيب ..
أركض ورى الشمس اللي تغيب ..


زمان الصمت



وتِرحَل ..

صَرخَتي تِذبَل

في وادي .. لا صدى يوصل

ولا باقي أنين

زمان الصمت ..


يا عُمر الحُزن والشكوى

يا خطوة ما غدت تقوى

على الخطوة ... على هم السنين

حبيبي .. كتبت اسمك على صوتي

كتبته .. في جدار الوقت

على لون السما الهادي

على الوادي ..

على موتي ... وميلادي

حبيبي .. لو أيادي الصمت

خذتني ... لو ملتني ليل

أنا عمري .. انتظاري لك

لا تحرمني .. حياتي لك



صعب السؤال



صعب السؤال .. ليه نفترق !!

صعب السؤال .. وين نلتقي

إنتي الجنوب .. وأنا الشمال ..

وما بيننا .. بحر .. ورمال

لكن نحب .. والله نحب .. وفوق الخيال

.. صعب السؤال



يا اللي اجمل من كلامي عنك وأقرب من سكوتي

آه يا طول المسافة بين احساسي وصوتي

ما هو غريب .. إني أسألك

و إنتي أنا .. كيف أوصلك !!

لا مستحيل .. هذا الرحيل

من يقطع الصمت الطويل

ويــدلنـــي ..


قصيدتي .. وين الحروف .. جف القلم

يا ضايعه .. ببرد الكفوف .. رعشة ألم

قصيدتي .. إلا الندم .. إلا الندم

بتسافرين .. وانتي معي

وبترجعين .. وانتي معي

قصيدتي .. لا تسمعي .. غيري قصيد

يا ساكنة افـ ورق الحشا .. وحبر الوريد


العشره الحلوه


العشره الحلوه .. على الراس والعين ..
أحلى الليالي .. اللي مضت .. لكن مضت ..
ويش رايك في هالحين ..
دايم .. تذكرني .. اللي فات ..
كل الحياة ماضي بعيد ..
باكر تراه .. يومٍ جديد ..

أحلى الليالي .. اللي مضت .. لكن مضت ..
ويش رايك في هالحين ..
بالله .. لا تخلي الوفا .. يصبح صبر ..
لا تختصر .. كل العمر ..
وتعيش امل .. عطني عمر ..

أحلى الليالي .. اللي مضت .. لكن مضت ..
ويش رايك في هالحين ..



طريقنا واحد ..


طريقنا واحد ..

امشيه .. معي ..

أحباب .. كانك تبين ..

أصحاب .. اللي تبين ..

يكفي متى .. ما توصلين

تتذكرين ..

إنك حزينه .. وانا حزين


كافي كلام ..

مابي .. وعد ..

أو التزام ..

طريقنا يمحي الظلام

نمشي مسافات الرجوع

ودرب الهوى كله خضوع


ارمي الجرايد والهموم

لا تجبري عيونك تنوم

لا واسمعي همس النجوم

وهم الوداع .. وكثر الحنين

وكافي كلام .. مابي وعد

أو .. التزام


عيون الليل



عيونك لاتوريها .. لغيري لاتوريها ..

عيونك لي .. ولو أقدر ..

عيونك عنك أداريها ..

أنا لو بعت نظراتك.. ابيع العمر واشريها




عيون الليل .. انا بالحيل

أحب أسهر لياليها ..

وأحب أبكي .. وهي تبكي ..

وأفرح للفرح فيها ..



حبيبي لو ضمنت اليوم ..

أعيش الشك في باكر ..

يجي مستقبل الايام ..

يغير في هوى الحاضر ..

يغيرك الزمن بعدي .. تعلم طبعه الغادر ..



أخاف عيون مايدرون ..

وش اللي يجرح الخاطر ..

وعيونك آه .. لو يدرون ..

حياتي فيها للآخر ..

عيونك لاتوريها لغيري ..لاتوريها ..


ظماي أنت


ظماي انت .. ومن يعشق ضماه غيري

جروحي انت .. ومن يكره دواه

اسقني لو ما ارتويت .. داوني لو ما شكيت

ماهقيت اني اعطش .. في حياتي لغيرك انت

مادريت ان مابه أغلى منك ..الا انت

ما تصور ان عيني مره تغفى وما اشوفك

ما تصور لو يطول الصمت ما اسمع حروفك

تدري احساسي بخوفي هو أماني

لما تسأل عني ليله عن مكاني

ما تصور كيف تحرقني الثواني

شمعه في ليل انتظارك..!

ياللي يسبقني زماني .. من عطش .. ليلي ونهاري

عطني موعد .. وانسى موعد

بس لا... تهجر وتبعد

يا ظما قلبي لقلبي .. وغربة اعيوني عن عيوني

وينك انت

ياترى الليله في صدري

لا ..

في جفني

لا ..

في الشعور اللي خطفني

اه ... لو تدري بشوقي

آه ... .يا ظما الدنيا بعروقي



لا تعلمني



ليه أحـــس إني وأنا اشوفــك حزين
وقــلبــي الـلـيـلــه بــهـــمــي ممتـلــي


كانهـــا الفــرقى طلبـــتك حـــاجتين
لا تـــعــلــــمنــي ولا تـــكـــذب عـلــيّ


خـلنــي مــا بـــين شكــي والــيقيــن
الــسـكــوت رضـــــاي عنــك وزعلــي


بــاكــر الـلــي خـــافــيٍ لازم يبيــن
والــوعــــد بـلقــى مكـــانك بــه خلــي


وانتظــــــر لــي ليلــة او لـــيلتيـــن
لين مـا يـقـفـــي الـسحــاب وينجلـــي


ولا طويت اليـــاس بـذرف دمعتين
للـهــوى الــغــــالــي وبـا وادع هـلـــي


صاحبي بمـــــوت من كثر الحنيـن
خــلـنــي بــخـــتـــار لــحظـــة مقتلـــي




ليل التجافي



آه ... من ليل التجافي ... ماطوله
ليلة العاشق ... ثوانيها ليال



من يقول الشمس باكر مقبله
كل شمسٍ مالها ... وجهك ظلال



بسالك باللي خذى منك الوله
وحطه اف صدري ... واعطاك الجمال



حاكني ... لجل الليالي ...الآوله
آه انا بموت من ذل ... السؤال



هو صحيح انك حبيبي اللي دله
واستوى ... عندك فراقي ... والوصال


كل جرحٍ غير ... جرحك بقبله
وكل ظلم ٍ ...غير ظلمك لي ... عدال



لا والذي سواك ..



لا والذي سواك ما اريد سلواك
ما أخبر به نفسٍ تمنت قدرها


وكان التفرق يا ادعج العين عناك
أنا الذي روحي عذابه صهرها


والله لو ما اعي .. نفسي برجواك
واجزم وَكاد إنه يهمك خبرها


لأطفي شعاع العمر .. لا غيّب ضياك
عميت عيونٍ ما يطولك نظرها


أغلي حياتي .. من ثواني بها ألقاك
لولاك ما تسوى حياتي كدرها


ودنيا خلت من صافي الود وياك
يا عل تكسف شمسها مع قمرها



ليلكم شمس





ليلكم شمس .. اتصلنا ..

اتصلنا امس ..

ما لقينا صوتكم ..

اشتكينا اسكوتكم ..

لسكوتكم

ولمَّا ملينا الكلام .. كانت الساعه ظلام ..

قلنا .. بنحاول ننام ..

ونتصل باكر

ليلكم شمس ..اتصلنا

اتصلنا اليوم

جاوبتنا داركم

اشتكينا اعذاركم ..

لا عذاركم ..

ولمَّا ملينا العتب .. كانت الساعه تعب

قلنا لو ننسى الغضب ..

ونتصل باكر ..


ليلكم شمس .. بنتصل باكر

ان لقيناكم عسى .. وان هجرتونا عسى ..

بنغسل اجروح المسا..

بالمسا..

حنا ملينا الصبر .. كانت الساعه عمر

اقبلو منا العذر ..

لكل شي آخر


المسافر ..



لا تلوح للمسافر ..

المسافر راح ..

ولا تنادي للمسافر

المسافر راح ..

يا ضياع أصواتنا .. في المدى والريح

القطار وفاتنا ..

والمسافر راح ..



يالله يا قلبي تعبنا من الوقوف ..

ما بقى بالليل نجمة ولا طيوف ..

ذبلت أنوار الشوارع .. وإنطفى ضيّ الحروف

يالله يا قلبي سرينا .. ضاقت الدنيا علينا

القطار وفاتنا ..

والمسافر راح ..



مادري باكر هالمدينة وشتكون ..

النهار والورد الأصفر والغصون ..

هذا وجهك يالمسافر لما كانت لي عيون ..

وينها عيوني حبيبي ..

سافرت مثلك حبيبي ..

القطار وفاتنا ..

والمسافر راح ..




يا صاحبي ..



يا صاحبي ..

ما في الهوى راحه ..

احذر تبيع القلب .. لجراحه ..

مسكين .. من قال الهوى جنه ..

يومين .. ويغير هواه ظنه ..

ويقول.. ما في الهوى راحه .. يا صاحبي ..

بحر العيون .. خذنا معاه مشوار ..

موجه غدى بينا ..

بحر العيون .. لا توهق البحار ..

يبعد عن المينا ..

ويا صاحبي .. ما في الهوى راحه ..

عمر الزمان .. ما لوع المشتاق ..

والله الزمن مظلوم ..

كيف الحنان.. يقسي على العشاق ..

صار الضنى مقسوم ..

ويا صاحبي .. ما في الهوى راحه ..





الوله




يطري عليه الوله .. وأطري على باله
يامرحبا لاضوى خلي على بابي




هجيت حدب الضلوع ونوخ جماله
لاجله بكت دمعتي ولأجله ضحك نابي




وكل ما ضحك لي لمحت النور في آماله
والى تجهم سترت السقم بثيابي




وكل ما شكى من عنى همه وغرباله
أقول لعل به جرحٍ من أسبابي




طال الحكي ما لقيت الوصل بوصاله
لاني حبيبه ولا هو أقرب اصحابي




ناديت طاري المحبه مالنا وماله
بالحيل أنا وانت ربع وكننا أغرابي




يا زين كانك حزين .. فحالتي حاله
بكفيك همك وأنا بصبر على مابي


لو الشجر له نصيب فـ بارد ظلاله
ماحرق القيض جفني وأنت فـ أهدابي



الندم ..



خل الندم ..يامضيع الوديسقيك
كاس الهوان .. وذل نفسٍ تمتك





وخل الهوى يملابعذابه لياليك
مثلي .. وأنا ساهر جروحي بسبتك



شْف ما بقى لك من غلا كود طاريك
واتلى الذكر للي مضى من محبتك



انا الذي بجروح روحي اداويك
وبشفاي اجفف دمعةٍ فوق وجنتك




كان الدلال .. وزينك اليوم مطغيك
ترى الجفا كدّر على النفس لذتك




وكأنك قصدت تذلني في تماديك
روح المعزة عن ردى القصد ردتك



ياصاحبيى .. ما بعت ودّي وأبا أعطيك
غالي الوفا لو عاد ترجع مودتك



المحبة أرض ...


المحبة أرض والفرقا أراضي
والزمن كله ترى لاغبت ماضي


والله إني ما أشوف إلا عيونك
إن رحلت اليوم أو طوّل مراضي


قالوا العـذّال والعـذّال مرضى
وش بلا حالك من الاشواق قاضي


قلت يهجرني حبيبي لين يرضى
علّموا الظالم ترى المظلوم راضي


جرّحوني في هواك وقلت أبشكي
ماهو من جرحي ولكن لـ إعتراضي


وش علي لو قطّعوا لاجلك عروقي
من رضى بالحب .. يرضيه التغاضي


مابقالي قلب ..


ما بقالي قـلب يشفع لك خطيّه
ذوبـته اجروح صدّك والخطايا



صاحبي بالله ... لا تعـتب عليّه
العَـتـب ما عاد تاسَعه الحنايا



كلّ جرحٍٍ فات لي منك هديّه
وش بلاك اتخاف من ردّ الهدايا



الله أكبر ... كيف مالك مقـدريّه
وكل ما تحمله من هـمّي بقايا



لا تمنّيني ... سَرَاب المهـمهـيّه
الـقـرَاح اليوم ... ما يروي ظمايا




وان غَدى للحب في قلبك شظيه
وش يقـول اللي غدى قلبه شظايا


مرتني الدنيا ..



مرتني الدنيا .. بتسأل عن خبر ..
مابه جديد ..
عشاق ليلة تفارقوا ..
وصاروا بعيد ..
لا طاحت نجوم السما .. ولا تاه في الظلما قمر ..
لا تاقف الدنيا .. وتسأل عن خبر ..
مابه جديد ..
اسهل من الكذبة .. على شف الطفل ..
فرقى الأحبه يا هوى ..
أحلى من الحلم اللي ودي لو كمل ..
كانت ليالينا سوى ..
لا طاحت نجوم السما .. ولا تاه في الظلما قمر ..
لا تاقف الدنيا وتسأل عن خبر ..
مابه جديد ..
لا تاقف الدنيا .. على أول طريق ..
فرقى الأحبه يا هوى ..
لا تسأل جروحي متى خان الرفيق ..
عهد المحبه والهوى
لا طاحت نجوم السما .. ولا تاه في الظلما قمر ..
لا تاقف الدنيا وتسأل عن خبر ..
مابه جديد ..


من زعلك ..


من زعلك في عيونك السود نظره
لا شفتها حسيت بالحزن والياس


من زعلك طاحت من الليل قمره
خلت طريقي من المواعيد والناس


لو هو انا .. بالله شوفيني مره
وأنا أعتذر للتبر .. للدرللماس


أبعتذر لنجومها في المجره
وللما القراح اللي شربته من الكاس


حبيبتي أرجوك في القلب حسره
كافي زعل اشغلتي الفكر هوجاس



والله لو تدرين ها الحب جمرة
بين الضلوع تشب من حر الأنفاس




غديت طفلٍ ضايع فيه عبره
محدٍ سأل وشفيه ماقال لا باس



وهذا الغرام الله يكفيني شره
بعيش أحساسه وباموت أحساس


لعيونها ..



لعيونها ... بس لعيونها
قلبي سراب بدونها ..
قلبي سراب ... وعيني سراب
ما اقول أعشقها بعقل...
مجنونها...


البارحة مريت في أحلى الفصول
صيف وشتاء..
وناظرتها..
وقلبي يقول هذي العيون إلى متى
حبيبتي ياكثرها عيونك على هاالليل
وين ما التفت اشوفها ..
حبيبتي يازينها عيونك على هاالليل
سحرني برق سيوفها..
ما أقول أعشقها بعقل..
مجنونها..


قمري .. يا شمس الذهب
سفري وراء عيونك تعب
قلبي تعب... وصبري تعب
ومن الهدب لين الهدب...
بحر ومراكب من لهب
أمواج تبحر برضاه ..
وأمواج تلعب بي غضب



مزهرية ..



لاإانتي وردة .. ولا قلبي مزهرية من خزف

صدفه وحده جمعتنّا .. شوفي وشلون الصدف

التقينا في مدينه .. وفرقتنا الف ميناء


اغفري للريح .. والموج .. والسفينة

كانت الرحلة حزينة .. للاسف


كنت أحلم لما ناديتك بسافر

مع عيونك في شعاع الفجر باكر


والله اعلم إني صادق

كنت أحلم إني عاشق


لاأخاف ولا أضيع .. ولاأفارق

ويش اقول غير إني آسف ويش اقول


انا خانتني العواصف والفصول

آه .. ياتعب المسافر


في أراضي الجرح و في بحر المحاجر

مالهذا الحزن آخر .. او لهذا الجرح آخر


ياشمسي الأخيرة .. في اللحظة الأخيرة

أنا .. لي كلمة أخيرة


إغفري لي إبتسامي .. قبل جرحي

حاولي تنسي كلامي .. قبل صمتي

ولو زعلتي .. ياأعز الناس إنتي




مالهم صوت ..



مالهم صوت .. غربوا والزمان سكوت .. ليتهم ماقربوا

وهقوني بالوصل .. علقوني بالأمل

هذا شيء لايحتمل ..

التجافي موت ..

الهوى تيه.. غرني ضعت في واديه .. وانت طيفك مرني

مرني ليل وفجر .. مرني باحلى العمر

آه من يقوى الصبر ..

التجافي موت ..

طول صدود .. صاحبك يالعيون السود..

ماسمع من صاح بك

صاح من هم وغضب .. ها الجفا ماله سبب ..

وانت من خان وكذب ..

ليه احبك موت ..


ياحمام ناح ..


يا حمامٍ ناح هيج شجوني ..

في هزيع الليل .. سهرت عيوني

ناحت الورقا في ليل .. ذكرت قلبي الرحيل

آه .. يا ويل المفارق .. ضاع في ليل المفارق ..

والذي صبره قليل لا يفارق ..

أول الغربه شجون .. باقي الغربه ظنون

آه .. يا قمر الغريب .. ساعة الظلما تغيب ..

والذي دمعه قريب .. لا يفارق ..

ليل .. يا ليل الدموع .. يا ترى كيف الرجوع ..

آه .. يا ظلم المسافر .. لو عن الغربه نسافر

والذي قلوبه شموع ..لا يسافر ..



هيهات ..




لادمعة في العين تكفي ولا آه
لا من نوى لك صاحبك بالقطيعه



الله على بعض المحبـين ما اشقاه
يرجي زهــر روضٍ تولى ربيعه



ولا مـن خذا له ساعة قال ابنساه
بانسى هوى اللي بـاعني قبل ابيعه



وده يعسر القلب عن غي مشهاه
هيهات ياقلب الخطا لو تطـيعه



الله يجازي الحب مااكبر خـطاياه
شره على اصحاب النفوس الرفيعه



اهـل الوفا واهل الشيم من سواياه
ضاقت بهم دنيا فججها وسيعه



والا الخبيث بمنسم الرجل ناطاه
يوم الغـدر والخبث عنده طبيعه


يالله عسى لي خيرة عقب فرقاه
لوكان فرقا الخل مثل الفجـيعه

مع تحيات اختكم \ ميميى لولو

وفي الختااام


لا يسعني الا الشكر لك من حرص على قراءة
ما جمعت وحاولت طرحه بشكل يليق بمقامكم أعضاء
avatar
ميميى لولو
عضو نشيط
عضو نشيط

تاريخ التسجيل : 12/06/2011

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى